Chalo Shiv Shankar Ke Mandir Me Bhakto Lyrics
Shloka:
Liya Naam Jisne Bhi Shivji Ka Man Se,
Use Bhole Shankar Ne Apna Banaya,
Khule Us Pe Sab Dwaar Shiv Ki Daya Ke,
Jo Shraddha Se Bhole Ke Mandir Mein Aaya.
Har Har Mahadev Ki Jay Ho,
Shankar Shiv Kailashpati Ki Jay Ho.
Chalo Shiv Shankar Ke Mandir Mein Bhakton,
Shiv Ji Ke Charanon Mein Sar Ko Jhukaye,
Kare Apne Tan Man Ko Ganga Sa Pavann,
Jape Naam Shiv Ka Bhajan Inke Gaye.
Har Har Mahadev Ki Jay Ho.
Yeh Sansar Jhoothi Maya Ka Bandhan,
Shivalay Mein Marg Hai Mukti Ka Bhakto,
Mahadev Ka Naam Lene Se Har Din,
Milega Hamein Daan Shakti Ka Bhakto,
Mitti Mein Mitti Ki Kaya Milegi,
Chalo Aatma Ko To Kundan Banaye,
Chalo Shiv Shankar Ke Mandir Mein Bhakton.
Kahin Bhi Nahi Ant Us Ki Daya Ka,
Karen Vandana Us Dayalu Pita Ki,
Hamein Bhi Mile Chhavan Uski Kripa Ki,
Hame Bhi Mile Bhik Uski Daya Ki,
Lagakar Samadhi Karen Shiv Ka Smaran,
Yun Soye Hue Bhagya Apne Jagaye,
Chalo Shiv Shankar Ke Mandir Mein Bhakton.
Karen Sab Ka Kalyan Kalyanakari,
Bhare Sabke Bhandar Trinetra Dhari,
Koi Usko Jag Mein Kami Na Rahegi,
Banega Jo Tan-Man Se Shiv Ka Pujari,
Kare Naam Lekar Safal Apna Jivan,
Yeh Anmol Jivan Yun-Hi Na Gavaye,
Chalo Shiv Shankar Ke Mandir Mein Bhakton.
Chalo Shiv Shankar Ke Mandir Mein Bhakton,
Shiv Ji Ke Charanon Mein Sar Ko Jhukaye,
Kare Apne Tan Man Ko Ganga Sa Pavann,
Jape Naam Shiv Ka Bhajan Inke Gaye.